Transcription
1
Monsieur de Gordes, se presentant la comodité de monsieur le baron de Rieux, present porteur, qui s’en
2
va à la cour, je l’ay bien volu accompaigner de la presente pour vous prier d’avoir
3
souvenance de la derniere despeche que je vous ay faicte par le sieur du Teilh et
4
suyvant icelle mander derechef à ceulx qui commandent les compaignies de
5
gens d’armes de messeigneurs de Savoye et prince de Piedmont qui sont
6
ordonnées pour ce gouvernement de les tenir prestes à marcher le XXVme
7
du prochain comme je leur ay escript. Et si cas est quelles soyent en quartier,
8
quelles ne bougent jusques en ce temps là, que je leur feray scavoir ce quelles
9
auront à faire. Au demeurant, ledit sieur de Rieux vous discourira particulierement
10
de mes nouvelles, à la souffisance duquel je me remetray pour vous dire que je
11
serois bien aise que monsieur de Venes votre frère, suyvant ce que le roy
12
m’a escript par luy vint jusques à Montpellier pour particulierement me
13
faire entendre les commandementz de sa majesté. Je l’en prie par mes lettres,
14
comme je fais à vous de le luy persuader ; et en cest endroict je me
15
recommande bien affectueusement à votre bonne grace, priant Dieu vous donne,r
16
monsieur de Gordes, en parfaicte santé, heureuse et longue vye. De
17
Pezenas, ce XXe de mars 1574
18
Votre plus affectionné parfaict et meilheur amy
19
H de Montmorancy
20
Monsieur de Gordes, monsieur de Rieux vous dira mes deliberations sur la depesche que jay
21
[re]ceu du roy, ausquelles je vous eusse invité si les chemins vous eussent esté
22
[ou]vers ou que votre absence en votre gouvernement neust en rien preiudicié au service
23
du roy, mais instamment nos afferes resolus je vous donneray advis de tout, an pensant
24
avant que passer oultre je vouldrois bien avoir parlé à votre frère monsieur
25
d’Evènes.